ملیر سعودآباد میں ٹریلر کی ٹکر سے موٹر سائیکل سوار شخص جاں بحق ہوگیا، ریسکیو ذرائع کے مطابق متوفی کی شناخت 60 سالہ باقر کے نام سے کی گئی، واقعہ کے بعد مشتعل افراد نے ٹریلر کے ڈرائیور پر تشدد کیا اور ٹریلر کو آگ لگا دی۔
تاہم پولیس نے جائے وقعہ پر پہنچ کر ٹریلر ڈرائیور وارث کو گرفتار کرلیا، پولیس کے مطابق ٹریلر پر سیمنٹ کی بوریاں لوڈ تھیں، ٹریلر آر سی ڈی گراؤنڈ سے سعود آباد کی جانب آرہا تھا کہ راستے میں موٹر سائیکل سوار کو کچل دیا، حادثے میں موٹر سائیکل مکمل تباہ ہوگئی جبکہ لاش کو اسپتال منتقل کردیا گیا ہے۔