امریکا میں صدر ڈونلڈ ٹرمپ کے خلاف تاریخ ساز مظاہرے کیے گئے جس میں 70 لاکھ سے زائد افراد نے شرکت کی۔
غیر ملکی میڈیا کے مطابق ’’نو کنگ‘‘ کے عنوان سے امریکا کے 2700 شہروں میں احتجاجی مظاہرے کیے گئے، صرف شکاگو میں ڈھائی لاکھ افراد نے احتجاجی مظاہرے میں شرکت کی۔
مظاہرین نے تارکین وطن کی بے دخلی کے لیے چھاپوں اور ریاستوں میں فوج کی تعیناتی کے خلاف غم و غصے کااظہار کیا۔ مظاہرین نے صدر ڈونلڈ ٹرمپ کی پالیسیوں کو آمرانہ قرار دیتے ہوئے ’’ٹرمپ انتطامیہ مزید برداشت نہیں‘‘ کے نعرے لگائے۔
امریکی میڈیا کے مطابق ڈیموکریٹ ریاستوں میں فوجی تعیناتی اور چھاپوں کے خلاف شدید ردعمل سامنے آ رہا ہے،
مظاہرین کا الزام ہے کہ ٹرمپ آمریت اور فوجی جبر کی جانب بڑھ رہے ہیں، امریکا بھر میں جاری مظاہروں میں مزید تیزی اور احتجاج کا دائرہ وسیع ہونے کا امکان ہے۔
امریکی صدر ٹرمپ کا کہنا ہے کہ وہ خود کو بادشاہ تصور نہیں کرتے جبکہ ری پبلکن رہنماؤں نے مظاہروں کو ’’امریکا مخالف‘‘ قرار دیتے ہوئے مسترد کردیا۔