بھارتی ریاست مدھیہ پردیش میں بی جے پی کے 73 سالہ ایم ایل اے دیوندر کمار جین کی ایک ویڈیو سوشل میڈیا پر ہنگامہ برپا کر رہی ہے، جس میں وہ 31 سالہ نوجوان لیڈر مہا آریامن سندیا کے پاؤں چھوتے ہوئے نظر آ رہے ہیں۔
ویڈیو نیشنل اسکول گیمز کے دوران 11 سیکنڈ کا کلپ ہے، جس میں جین اپنی سالگرہ مناتے ہوئے کیک کاٹ رہے ہیں اور مہا آریامن سندیا اور دیگر افراد کے ساتھ جشن میں شریک ہیں۔ کیک کاٹنے کے بعد جین نے مہا آریامن کے پاؤں چھو کر انہیں عزت دی۔
سوشل میڈیا صارفین نے اس اقدام پر مختلف ردعمل ظاہر کیے؛ کچھ اسے عزت و احترام قرار دے رہے ہیں، جبکہ دیگر اسے سیاسی تابع داری یا ذلت کی علامت کے طور پر دیکھ رہے ہیں۔
یہ واقعہ بھارتی سیاسی حلقوں میں بحث کا موضوع بن گیا ہے، خاص طور پر جب ویڈیو میں بی جے پی کے رکن پارلیمنٹ جیو ترادیہ سندیا کے بیٹے بھی موجود ہیں۔