باجوڑ میں سیکیورٹی فورسز کی کارروائی میں ایک خارجی دہشت گرد ہلاک جبکہ متعدد زخمی حالت میں فرار ہوگئے۔
سیکیورٹی ذرائع کے مطابق فورسز نے خفیہ اطلاعات پر شاہی تنگی کے جنگل میں موجود غار پر گھات لگا کر بھرپور کارروائی کی جہاں خوارجیوں اور فورسز کے درمیان شدید فائرنگ کا تبادلہ ہوا، جس کے نتیجے میں ایک خوارجی ہلاک اور دیگر فرار ہوگئے۔
ذرائع نے بتایا کہ شاہی تنگی جنگل میں خارجیوں کے ٹھکانوں اور سرنگوں کا صفایا کردیا گیا، خارجیوں کے زیر استعمال اسلحہ اور مواصلاتی آلات بھی برآمد کرلیے گئے۔