ہری پور کے حلقہ این اے 18 کے ضمنی انتخابات میں انتخابی ضابطہ اخلاق کی مبینہ خلاف ورزیوں پر دو اہم سیاسی رہنماؤں کے خلاف کارروائی کے معاملات الیکشن کمیشن آف پاکستان میں زیر بحث آگئے ہیں۔
وکیل علی بخاری نے وزیراعلیٰ پنجاب مریم نواز کے خلاف حسن ابدال میں ترقیاتی منصوبوں کے اعلان پر کارروائی کی درخواست الیکشن کمیشن میں جمع کرا دی ہے۔ درخواست میں مؤقف اختیار کیا گیا ہے کہ انتخابی شیڈول کے دوران ترقیاتی منصوبوں کا اعلان ضابطہ اخلاق کی خلاف ورزی ہے۔
دوسری جانب الیکشن کمیشن نے وزیراعلیٰ خیبر پختونخوا سہیل آفریدی کے خلاف انتخابی ضابطہ اخلاق کی مبینہ خلاف ورزی کے کیس کا فیصلہ محفوظ کرلیا ہے۔ سہیل آفریدی این اے 18 کے ضمنی انتخاب کی انتخابی مہم کے دوران جلسے سے خطاب پر ضابطے کی خلاف ورزی کے الزام کا سامنا کر رہے ہیں۔
چیف الیکشن کمشنر سکندر سلطان راجا کی سربراہی میں الیکشن کمیشن کے پانچ رکنی بینچ نے کیس کی سماعت کی، جبکہ وزیراعلیٰ خیبر پختونخوا کے وکیل علی بخاری بھی کمیشن میں پیش ہوئے۔