پاکستان کرکٹ بورڈ کی دو نئی ٹیمیں بیچنے کیلیے نیلامی کا عمل 8 جنوری بروز جمعرات کو اسلام آباد کنونشن سینٹر میں ہوگا۔
پی ایس ایل لیگ کو 6 کی بجائے 8 ٹیموں تک توسیع دی جارہی ہے۔ پی سی بی کے مطابق دو نئی فرنچائزز کے لیے بولیوں کا تکنیکی جائزہ مکمل ہوگیا۔
کامیاب پارٹیاں راولپنڈی، حیدر آباد، فیصل آباد، گلگت، مظفرآباد اور سیالکوٹ میں سے نام منتخب کرسکیں گے۔
پی ایس ایل کے سی ای او سلمان نصیر نے ایک بیان میں کہا ہے کہ مقامی اور غیر ملکی سرمایہ کاروں کی بھرپور دلچسپی خوش آئند ہے، پی سی بی حکام کا کہنا ہے کہ پی ایس ایل کی توسیع کا فیصلہ لیگ کی بڑھتی مقبولیت، مالی استحکام اور بین الاقوامی سطح پر بڑھتے ہوئے اعتماد کو مدنظر رکھتے ہوئے کیا گیا ہے۔
نئی ٹیموں کے مالکان کو 10سالہ ملکیتی حقوق دیے جائیں گے، جو لیگ کے مستقبل کے لیے ایک اہم قدم تصور کیا جا رہا ہے۔ نیلامی میں شرکت کے لیے متعدد معروف کاروباری گروپس اور کمپنیاں جن میں ٹیلی کام، رئیل اسٹیٹ، ٹیکنالوجی اور توانائی کے شعبوں سے تعلق رکھنے والے سرمایہ کار شامل ہیں۔
پی ایس ایل 2026 کا آغاز 26 مارچ سے ہوگا اور فائنل 3 مئی کو کھیلا جائے گا۔