پی ایس ایل کے گیارہویں ایڈیشن میں دو نئی ٹیموں کے اضافے کی گھڑی آن پہنچی اور اسلام آباد کے جناح کنونشن میں آج آکشن منعقد ہوگا۔
پاکستان کرکٹ بورڈ کے مطابق پی ایس ایل کی نئی ٹیموں کی آکشن کی تقریب کے لیے ریہرسلز مکمل کرلی گئیں۔ پاکستان کے سابق کپتان وسیم اکرم بھی منفرد انداز میں آکشن میں شریک ہوں گے۔
سی او او پی سی بی سمیر احمد سید نے بھی آج صبح جناح کنونشن سنٹر کا دورہ اور تیاریوں کا جائزہ لیا۔ سی ای او پی ایس ایل سلمان نصیر نے آکشن تقریب کے انتظامات پر بریفنگ دی۔
آکشن کی تقریب میں آنے والے بڈرز اور معزز مہمانوں کا ریڈ کارپٹ پر استقبال کیا جائے گا، آکشن کی تقریب میں رائزنگ ایشیا کپ جیتنے والی پاکستان شاہینز اور ہانگ کانگ سپر سکسز جیتنے والی پاکستان ٹیم کو بھی مدعو کیا گیا ہے۔
چیئرمین پی سی بی کی ہدایت پر دونوں چیمپئن ٹیموں کی کارکردگی کو سراہا جائے گا، کھلاڑیوں کو انعامات بھی دیے جائیں گے، دنیا بھر کے پی ایس ایل فینز رنگا رنگ تقریب پی سی بی کے یوٹیوب چینل، پی ٹی وی اسپورٹس، اے اسپورٹس اور جیو سپر پر لائیو دیکھ سکیں گے۔