صدرِ مملکت آصف علی زرداری نے جوڈیشل کمیشن آف پاکستان کی سفارشات کی روشنی میں مختلف ہائیکورٹس کے ایڈیشنل ججز کی توثیق اور مدتِ ملازمت میں توسیع کی منظوری دے دی ہے۔
رپورٹ کے مطابق سندھ ہائیکورٹ، لاہور ہائیکورٹ اور پشاور ہائیکورٹ کے ایڈیشنل ججز کی بطور مستقل جج توثیق کر دی گئی ہے، جبکہ بعض ججز کی مدتِ ملازمت میں توسیع کی بھی منظوری شامل ہے۔
ذرائع کے مطابق یہ فیصلے جوڈیشل کمیشن کی سفارشات کے مطابق کیے گئے ہیں، جن کا مقصد عدالتی نظام کے تسلسل اور مؤثر کارکردگی کو یقینی بنانا ہے۔