سرگودھا کے علاقے میلووال بھیرہ سے دھوری روڈ پر حمزہ پیٹرولیم کے قریب تیز رفتار ٹرک الٹ گیا، جس کے نتیجے میں 4 افراد جاں بحق جبکہ 8 افراد زخمی ہوگئے۔ حادثہ اس وقت پیش آیا جب توڑی سے لوڈ ٹرک میلووال سے بھیرہ کی جانب جا رہا تھا۔
پولیس کے مطابق ٹرک پر مجموعی طور پر 12 مزدور سوار تھے۔ ٹرک الٹنے کے باعث متعدد افراد اس کے نیچے دب گئے۔ جاں بحق ہونے والے افراد کو سر پر شدید چوٹیں آئیں جو جان لیوا ثابت ہوئیں۔
ریسکیو ٹیموں نے فوری طور پر موقع پر پہنچ کر زخمیوں اور نعشوں کو ٹی ایچ کیو اسپتال بھیرہ منتقل کیا۔ حادثے کے بعد کچھ دیر کے لیے سڑک پر ٹریفک کی روانی متاثر رہی۔
پولیس موقع پر پہنچ گئی ہے جبکہ حادثے کی وجوہات جاننے کے لیے تحقیقات اور قانونی کارروائی جاری ہے۔