چیئرمین پاکستان پیپلز پارٹی بلاول بھٹو زرداری سکردو پہنچے جہاں گورنر گلگت بلتستان سید مہدی شاہ نے سکردو ایئرپورٹ پر ان کا استقبال کیا۔
بلاول بھٹو زرداری سکردو سے نو منتخب وزیراعلیٰ گلگت بلتستان امجد حسین ایڈووکیٹ کی تقریب حلف برداری میں شرکت کے لیے گلگت روانہ ہوگئے۔
اس موقع پر سابق وفاقی وزیر اور پاکستان پیپلز پارٹی کے مرکزی رہنما قمر زمان کائرہ بھی بلاول بھٹو زرداری کے ہمراہ موجود تھے۔
نو منتخب وزیراعلیٰ کی تقریب حلف برداری میں سیاسی و سماجی شخصیات سمیت مختلف شعبہ ہائے زندگی سے تعلق رکھنے والے افراد کی شرکت متوقع ہے۔