کراچی ……ثانوی تعلیمی بورڈ کراچی کی سیکرٹری حورمظہر کے مطابق میٹرک بورڈ
کے چیئرمین پروفیسر انوار احمد زئی کی نگرانی میں پاکستان سائنس فاؤنڈیشن
اسلام آباد اور میٹرک بورڈ کے تحت ہونے والے مضمون نویسی کے مقابلے منگل
12جنوری 2016سے شروع ہو رہے ہیں۔ مضمون نویسی کا عنوان ’’کیا قابل تجدید
توانائی پاکستان کے معاشی مسائل کا قابل عمل متبادل ہے‘‘یہ مقابلے ثانوی
تعلیمی بورڈ کے کانفرنس ہال میں منعقد ہوں گے جو 14جنوری 2016تک شیڈول کے
مطابق جاری رہیں گے،شیڈول کا اعلان پہلے ہی کیا جا چکا ہے۔ ان مقابلوں میں
الحاق شدہ تعلیمی اداروں کے طلبہ اپنے اداروں کی جانب سے جاری کردہ
نمائندگی کی تحریر کے ذریعے شریک ہو سکیں گے۔ ان مقابلوں میں اول، دوم اور
سوم آنے والے شرکاء کو نقد انعامات اور بورڈ کی جانب سے سندِ فضیلت سے
نوازا جائے گا۔