سام سنگ نے اپنے نئے موبائل ماڈلز گیلکسی ایس 20 اور گیلکسی زیڈ فلپ میں ای سِم کے نام سے نیا فیچر متعارف کروانے کی نوید سنا دی۔ جس کی مدد سے اب سم کے بغیر فون استعمال کرنا ہوگا بالکل آسان۔
ای سم جسے "ایمبیڈڈ سبسکرائبر آئڈینٹیٹی ماڈیول" کہا جاتا ہے یہ ایک ایسی ٹیکنالوجی ہے جس کے تحت صارفین گھر بیٹھے بذات خود اپنی سم کو بار بار ری پروگرام بھی کرسکتے ہیں اور ایک ہی وقت میں کئی نیٹ ورک کمپنیوں سے منسلک بھی کرسکتے ہیں۔ اس کے لیئے انھیں موبائل سیٹننگ کرنی پڑے گی اور نا ہی موبائل کو آن آف کرنا ہوگا۔
سام سنگ کے اس نئے فیچر سے وہ تمام صارفین جو ایک ہی موبائل میں ایک سے زیادہ سم کارڈز استعمال کرتے ہیں وہ ای سم کے ذریعے ایک ہی سم سے دو نمبروں پر روابط بحال رکھ سکیں گے۔
اس کی خاص بات یہ ہے کہ پرانے موبائل سیٹس کو رابطے کیلیئے بحال کرنے کیلیے اس میں سم کارڈ کا اندراج کرنا پڑتا تھا مگر ای سم ایک چھوٹی سی چپ ہے جو کہ آپ کو کمپنی کی جانب سے موبائل میں پہلے ہی سے لگی ہوئی موصول ہوگی۔