عالمی ادارہ صحت (world health organization) کی جاری کردہ ایڈوائزری میں کہا گیا ہے کہ کورونا وائرس کی علامات والے مریضوں کو آئبوپروفین (Ibuprofen) کی ادویات نہ استعمال کرنے دی جائیں۔
کورونا کے علاج کے حوالے سے ایڈوائزری میں ڈبلیو ایچ او کا کہنا ہے کہ آئبوپروفین سے کورونا وائرس کے مریضوں کی حالت مزید خراب ہو سکتی ہے۔
ڈبلیو ایچ او کے ایگزیکٹو ڈائریکٹر کی جانب سے تمام ممالک سے کورونا ٹیسٹ کی تعداد بڑھانے کی درخواست کی گئی ہے اور ساتھ ہی ہیلتھ ملازمین کو حفاظتی آلات کے بغیر کام کرنے سے خبردار بھی کیا۔
واضح رہے کہ جان لیوا کورونا وائرس کے باعث دنیا بھر میں اب تک تقریباً 8 ہزار 758 افراد ہلاک جبکہ 2 لاکھ سے زائد متاثر ہو چکے ہیں۔ مہلک کورونا وائرس سے سب سے زیادہ متاثر ہونے والے ممالک میں چین ، اٹلی اور ایران شامل ہیں۔