ہمارے روز مرہ کھانوں میں کالی مرچ کا بہت زیادہ استعمال کیا جاتا ہے۔ یہ ایک ایسی مرچ ہے جس کے بے شمار فوائد ہیں۔ انسانی صحت اور انسانی جسم کے لئے تو کالی مرچ بہترین ہے لیکن کیا آپ جانتے ہیں کہ گاڑیوں کے ریڈی ایٹرز کے لئے بھی یہ کام آ سکتی ہے۔
گاڑی کے لیک ریڈی ایٹر کو عارضی طور پر ٹھیک کرنے کیلئے کالی مرچ کے استعمال کو بہترین قرار دیا گیا ہے۔
ٹو موبائل انڈسٹریز سے وابستہ ماہرین کے مطابق گاڑی کے لیک ریڈی ایٹرمیں تھوڑی سی پسی ہوئی کالی مرچیں ڈال دینے سے لیکج رک سکتی ہے۔
کالی مرچ ریڈی ایٹر کے چھوٹے چھوٹے سوراخوں میں جا کر انہیں بند کر دیتی ہے اور ریڈی ایٹر کی لیکیج فوری طور پر ختم ہو جاتی ہے۔ آپ کی گاڑی اس قابل ہو جائے گی کے اسے ورکشاپ تک لے جایا جا سکے۔