چونکہ آج کل دنیا کے دیگر ممالک سمیت پاکستان میں بھی لاک ڈاؤن کی صورتحال برقرار ہے، ایسے میں پاکستانی شوبز انڈسٹری سے تعلق رکھنے والے متعدد فنکار سوشل میڈیا پر دلچسپ سرگرمیاں انجام دے رہے ہیں۔
اسی حوالے سے سماجی رابطے کی ویب سائٹ انسٹاگرام پر اداکارہ عائشہ عمر نے ایک ویڈیو شئیر کی جس میں وہ ہاتھ دھو رہی ہیں، لیکن ہاتھ دھونے کے ساتھ وہ پاکستان کا قومی ترانہ بھی گا رہی ہیں۔
انہوں نے ویڈو کے کیپشن میں لکھا کہ وہ سب کو اس چیلنج میں حصہ لینے کی دعوت دیتی ہیں، اس سے ہم اس بات کو یقینی بنا سکتے ہیں کہ ہم مکمل ٢٠ سیکنڈز تک اپنے ہاتھ دھو رہے ہیں۔