کورونا وائرس سے متعلق کئی باتیں سامنے آئیں یہاں تک کہ اس وائرس کے سبب ہلاک ہونے والے کو کس طرح دفنانا ہے یہ بھی بتایا گیا۔ یہ خبر بھی سامنے آئی کہ یہ وبائی مرض گفتگو کرنے سے بھی ایک شخص سے دوسرے شخص میں منتقل ہو سکتا ہے۔
یہ تو بات ہوگئی انسانوں کی لیکن ہم نے یہ بھی دیکھا کہ پالتو جانوروں میں یہ وائرس پایا گیا جو ان کے مالک سے ان میں منتقل ہوا۔
حال ہی میں ایک یہ خبر سامنے آئی کہ تھائی لینڈ میں ایک صحت مند شخص میں یہ وائرس مرنے والے انسان سے منتقل ہوا، مرنے والا کورونا وائرس میں مبتلا تھا۔ یہ اس نوعیت کا پہلا کیس ہے۔
جرنل آف فارنزک اینڈلیگل میڈیسن میں شائع ہونے والے مطالعے میں بتایا گیا ہے کہ فرانزک طبی ماہرین کو کورونا وائرس سے ہلاک ہونے والے مریض سے وائرس منتقل ہونے کے خطرات کم ہوتے ہیں لیکن کورونا سے ہلاک ہونے والے مریضوں کے بائیولوجیکل نمونوں اور لاش سے وائرس لگنے کے خطرات بہت زیادہ ہیں۔
تاہم عالمی اداراہ صحت کے مطابق کووڈ-19 متاثرہ مریض کی لاش میں چند گھنٹے تک زندہ رہ سکتا ہے، اگرچہ اس حوالے سے زیادہ تحقیقات تاحال نہیں کی گئیں کہ وائرس مرے ہوئے شخص میں کتنی دیر تک رہ سکتا ہے جبکہ اس حوالے سے طبی ماہرین کا کہنا ہے کہ کورونا وائرس سے متاثرہ شخص زندہ ہو یا مردہ، اس سے بچنے کے لیے حفاظتی لباس، ماسک اور گلوز کا استعمال کرنا انتہائی ضروری ہے۔