نوول کورونا وائرس کے خطرے کے باعث لاک ڈاؤن کی وجہ سے دنیا بھر میں کھیلوں کی سرگرمیاں ملتوی یا منسوخ ہو چکی ہیں۔ کرکٹرز سمیت تمام شعبہ زندگی سے وابستہ افراد اپنے گھروں میں قرنطینہ اختیار کئے ہوئے ہیں۔
گزشتہ روز بھارتی کرکٹر ویرات کوہلی کی اہلیہ انوشکا شرما نے سوشل میڈیا ایپ انسٹاگرام پر ایک ویڈیو شئیر کی جس میں وہ گھر میں موجود بلے باز ویرات کوہلی سے گراؤنڈ میں موجود تماشائی کے انداز میں ’’باؤنڈری‘‘ لگانے کو کہہ رہی ہیں۔
شئیر کی جانے والی ویڈیو میں انوشکا شرما نے گراؤنڈ میں موجود تماشائی کی طرح مزاحیہ انداز میں ویرات کوہلی کو چوکا لگانے پر زور دیا۔
بھارتی اداکارہ نے ویڈیو کے کیپشن میں پیغام لکھا کہ انہیں لگتا ہے کہ ویرات کوہلی کرکٹ اور لاکھوں مداحوں کی محبت کو یاد کر رہے ہیں، اس لئے انہوں نے کرکٹ کے فین کی طرح انداز اپنایا۔