ذرائع کے مطابق تشدد کا نشانہ بننے والی ماڈل اداکارہ عظمیٰ خان اور ان کی بہن ہما خان کی وکیل خدیجہ صدیقی نے فریقین کے درمیان صلح ہوجانے کی تصدیق کردی ہے، ساتھ ہی انہوں نے اس کیس سے علیحدگی کا بھی اعلان کردیا ہے
بیرسٹر خدیجہ صدیقی نے اپنے ٹوئٹر پیغام میں لکھا کہ ہم عظمیٰ خان کے کیس سے الگ ہورہے ہیں، میں دونوں خواتین کی جانب سے تصفیے کی وجہ سمجھتی ہوں لیکن اس کے باوجود میرا ضمیر مجھے اس سب کا حصہ بننے کی اجازت نہیں دیتا چاہے وہ پروفیشنل حوالے سے ہی کیوں نہ ہو۔
یاد رہے کہ عید سے قبل چاند رات کو عظمیٰ خان اور انکی بہن کو تشدد کا نشانہ بنایا گیا تھا جس پر انہوں نے بحریہ ٹاؤن کے مالک ملک ریاض کی بیٹیوں امبر ملک، پشمینہ ملک اور ملک ریاض کی نواسی آمنہ ملک پر الزام عائد کیا تھا۔