پاکستان شوبز انڈسٹری کی نامور اداکارہ بشریٰ انصاری نے کورونا وائرس کے تیزی سے پھیلاؤ کے باوجود پاکستان کی عوام کی جانب سے احتیاطی تدابیر پر عمل نہ کرنے پر افسوس کا اظہار کرتے ہوئے کہا ہے کہ وہ اس وقت بیرون ملک ہیں اور وہ تب تک وطن واپس نہیں آئیں گی جب تک قوم کورونا وائرس کو سنجیدہ نہیں لے گی۔
تفصیلات کے مطابق بشریٰ انصاری چند عرصہ قبل ہی بیرون ملک چلی گئی تھیں اور پھر لاک ڈاؤن نافذ ہونے اور فضائی سروس بند ہونے کے باعث وہ پاکستان نہ آسکیں مگر اب ان کی ایک ویڈیو سامنے آئی ہے، جس میں وہ کورونا سے متعلق پاکستانیوں کی غیر سنجیدگی پر بات کرتی دکھائی دیں۔
#covid19 @BushraAnsari10 https://t.co/F8yaCeOynr pic.twitter.com/cHsCZHxIBE
— Ayesha (@Ayesha701900053)
June 2, 2020
معروف اداکارہ کا کہنا تھا کہ کورونا کے پیش نظر احتیاط نہ کرنے کی وجہ سے ہی ملک میں اتنا بڑا مسئلہ ہوا اور وہ قوم کے رویے پر افسردہ ہیں۔