پاکستان کی معروف اداکارہ اور سماجی کارکن نادیہ جمیل کا کہنا ہے کہ بریسٹ کینسر مجھ سے میری مسکراہٹ نہیں چھین سکتا-
اداکارہ نے سماجی رابطے کی ویب سائٹ ٹوئٹر پر لکھا کہ میں بہت خوش قسمت ہوں کہ میری سب سے پیاری ٹوئٹر فیملی میرے پاس ہے-
انھوں نے مذید لکھا کہ معاف کیجئے گا میں ابھی کسی کو بھی انفرادی پیغامات کا جواب نہیں دے سکی ہوں۔
لیکن جلد ہی میں صحت یاب ہوجاؤں گی اور مجھے دوبارہ صحت و توانائی ملے گی پھر آپ سب دوستوں کے پیغامات کے جوابات دوں گی۔
جب تک مسکراتے رہیں اور مجھے اپنی دعاؤں میں یاد رکھیں۔ آپ سب میرے اپنے ہیں۔ خدا آپ سب لوگوں کی خیر کرے۔