کورونا وائرس کی دوسری لہر کے پیشِ نظر دوبارہ اسکولوں اور جامعات کو بند کرنے کے حوالے سے تجاویزات پر غور کیا جارہا تھا لیکن اب سندھ کے وزیرِ تعیم سعید غنی کی صدارت میں سندھ کی اسٹیرنگ کمیٹی کا اجلاس ہوا ہے جس میں صوبہ سندھ میں تعلیمی ادارے بند نہ کرنے کا فیصلہ کیا گیا ہے۔
اس اجلاس میں سیکریٹری اسکولز، سیکریٹری کالجز اور تعلیمی بورڈز کے چیئرمین شریک ہوئے۔
اجلاس میں یہ فیصلہ بھی کیا گیا ہے کہ تعلیمی اداروں میں ایس او پیز پر مزید سختی سے عمل درآمد کیا جائے گا۔ اور اب سندھ میں موسمِ سرما کی تعطیلات بھی نہیں ہوں گی۔
جو تعلیمی ادارے آن لائن کلاسز لینا چاہتے ہیں وہ ان کا اپنا فیصلہ ہوگا اس پر کوئی پابندی نہیں۔
سعید غنی نے یہ بھی کہا کہ: '' وفاق کا مؤقف ہے کہ 25 نومبر تا 24 دسمبر بچوں کو آن لائن گھروں میں ہی تعلیم دی جائے اور والدین اسکولز میں اساتذہ سے ہفتہ وار ہوم ورک لیں۔ اور وفاق سرما کی تعطیلات 25 دسمبر 2020ء سے 10 جنوری 2021ء تک کرنے کا کہہ رہا ہے لیکن ایسا فی الحال کوئی فیصلہ نہیں دیا جا رہا۔''
اجلاس میں 23 نومبر تک کے لیے تمام صوبوں سے مشاورت کے بعد حتمی فیصلہ کیئے جانے پر اتفاق ہوا ہے جبکہ این سی او سی کی تجاویز پر مشاورت بھی کی گئی۔