گزشتہ رات سے کراچی کے مختلف علاقوں میں ٹھنڈی ہواؤں کے ساتھ ہلکی بارش کا سلسلہ جاری ہے، جس سے شہر کا موسم مزید سرد ہوگیا۔
محکمہ موسمیات کے مطابق کراچی میں 26 اور 27 نومبرکو تیز ہوائیں چل سکتی ہیں جس سے شہر قائد کا درجہ حرارت مزید گر سکتا ہے۔
بارش کے بعد سردی کی شدت میں اضافہ کے ساتھ شہر کا موجودہ درجہ حرارت 16ڈگری سینٹی گریڈ ریکارڈ کیا گیا ہے۔
شہر بھر میں ہوائیں 16 کلومیٹر فی گھنٹےکی رفتار سے چل رہی ہیں، ہوا میں نمی 75 فیصد ہے۔
گزشتہ رات کراچی کے علاقوں سرجانی ٹاؤن اور نارتھ کراچی سمیت اطراف کے علاقوں میں ہلکی بوندا باندی اور تیز بارش ہوئی ہے۔
جن علاقوں میں بارش ہوئی ان میں یونیورسٹی روڈ، گلشن، ملیر، سرجانی ٹاؤن، بلدیہ، کیماڑی، گلستانِ جوہر اور گلشن حدید شامل ہیں۔
شہر قائد میں ہونے والی بوندا باندی کے بعد مختلف علاقوں میں بجلی کی بندش ہو گئی ہے۔