انسداد دہشت گردی عدالت نے سابق پبلک پراسکیوٹر نعمت اللہ رندھاوا اور نجی ٹی وی چینل کے رپورٹر ولی بابر کے قتل کے کیس کا فیصلہ سنا دیا۔
تفصیلات کے مطابق ایم کیو ایم کے دو کارکنوں کو جرمانے اور عمرقید کی سزا سنائی گئی ہے، عدالت کی جانب سے سزا پانے والے ملزمان میں ایم کیو ایم کارکن کاظم رضا اور نعمان شامل ہیں۔
واضح رہے ملزمان کو رینجرز نے کراچی آپریشن کے دوران گرفتار کیا تھا۔ ملزمان نے رینجرز انٹروگیشن اور جے آئی ٹی کے سامنے قتل کا اعتراف بھی کیا تھا۔
پولیس کے مطابق نعمت رندھاوا کو 2013 ء میں ناظم آباد کے علاقے میں قتل کیا گیا تھا، عدالت نے کیس میں 3 مفرور ملزمان کو اشتہاری قرار دیتے ہوئے دائمی وارنٹ گرفتاری جاری کیے۔ عدالت کی جانب سے اشتہاری قرار دیے جانے والے ملزمان میں عبداللہ عرف دانش، غفران عرف سندھی اور عزیز اللہ شامل ہیں۔