اپنی معصومانہ اور چٹ پٹی باتوں سے سوشل میڈیا پر مشہور ہونے والے بچہ احمد شاہ کا ہر کوئی مداح ہے۔
سوشل میڈیا اسٹار احمد شاہ کی نئے سال کے موقع پر بنائی جانے والی ویڈیو نے پاکستانی اداکار کو بھی اسی طرح کی ویڈیو بنانے پر مجبور کر دیا۔
سوشل میڈیا کے ننھے اسٹار کی ویڈیو انٹرنیٹ پر وائرل ہوئی تو نامور پاکستانی اداکار اور ہدایت کار یاسر نواز نے بھی اپنے بھائی دانش نواز کے ساتھ ویڈیو بنائی جس میں وہ احمد شاہ کی نقل کررہے تھے۔ یاسر اور دانش کے ساتھ ان کے بھائی فراز نواز بھی موجود ہیں جنہوں نے ویڈیو میں احمد کا کردار نبھایا۔
ویڈیو میں دیکھا جا سکتا ہے کہ یاسر نواز، دانش نواز سمیت تینوں بھائی احمد شاہ اور اُن کے بھائیوں کے رنگ جیسے کپڑے پہنے ہوئے تھے اور اُن کے انداز و حرکات بھی بالکل ایک جیسی ہی تھیں۔