پاکستان کی سابقہ گلوکارہ اور میزبان رابی پیرزادہ نے رکشہ چلایا جسے دیکھنے کے بعد ان کے مداح حیران رہ گئے۔
تفصیلات کے مطابق گزشتہ سال شوبز کو خیرآباد کہہ کر اسلامی اصول کے مطابق چلنے والی پاکستانی گلوکارہ رابی پیرزادہ اکثر ہی خبروں کی زینت بنی رہتی ہیں۔ رابی پیرزادہ اپنے فن کے ذریعے فنڈز جمع کر رہی ہیں۔
ناصرف یہ بلکہ اس حوالے سے رابی پیرزادہ ایک آرگنائزیشن بھی متعارف کروا چکی ہیں۔
گزشتہ روز انسٹاگرام پر رابی پیر زادہ کی جانب سے ایک ویڈیو شیئر کی گئی جس میں انہوں نے فاؤنڈیشن کے لیے خریدے گئے رکشے کو چلا کر مداحوں کو حیران کر دیا۔
انسٹاگرام پوسٹ میں رابی نے کہا کہ ’الحمداللہ ہماری فاؤنڈیشن کا پہلا رکشہ، کبھی اپنی مرسڈیز چلا کر اتنی خوشی نہیں ہوئی جتنی اس کی ہے، اللہ ہمیں اور ہمت اور استطاعت دے لوگوں کی مدد کی‘۔
تاہم مداحوں کی جانب سے بھی رابی پیرزادہ کے اس اقدام کو خوب سراہا گیا۔