شوبز سے کنارہ کشی اختیار کرنے والی سابقہ اداکارہ نور بخاری نے آخر کار اپنی چھوٹی بیٹی ’شہربانو‘ کی تصویر سوشل میڈیا پر شئیر کر دی۔
اسلامی تعلیمات کے لیے وقف کردینے والی نور بخاری نے اپنی چھوٹی بیٹی شہربانو کی پہلی سالگرہ کے موقع پر اپنے انسٹاگرام اکاؤنٹ پر پوسٹ کی ہے۔
انہوں نے اپنی انسٹاگرام کی پوسٹ میں اپنی چھوٹی بیٹی شہربانو کی پہلی تصویر شئیر کی ہے اور اُس کے ساتھ بیٹی سے اظہارِ محبت کرنے کے لیے ایک پیغام بھی جاری کیا ہے۔
نور بخاری کا اپنے پیغام میں کہنا تھا کہ ’میری پیاری بیٹی! میں الفاظ میں بیان نہیں کرسکتی ہوں کہ تمہیں اپنی زندگی میں پانا، میرے لیے کتنی بڑی خوش قسمتی ہے۔‘
اُنہوں نے کہا کہ ’میری شربانو اللّہ تعالیٰ تمہیں شیطان کے شر سے محفوظ رکھے اور تم ہمیشہ ایک ستارے کی طرح چمکتی رہو۔‘
سابقہ اداکارہ کا مزید کہنا تھا کہ ’تمہیں دُنیا و آخرت میں بلندی ملے، آمین۔‘
نور بخاری نے انسٹاگرام پر مختلف اسٹوریز بھی شئیر کیں جن میں اُنہوں نے شہربانو کے کیک کی تصویر دکھائی اور اُس جگہ کی بھی تصویر شئیر کی جہاں اُنہوں نے بیٹی کی سالگرہ منائی۔
انہی تصویروں کے ساتھ نور بخاری نے اپنی بیٹی شہربانو کی پہلی جھلک بھی مداحوں کو دکھائی ہے۔