اغواکاروں کی سرکاری نمبر پلیٹ لگی کار نہر میں گرنے سے 2 مغوی بازیاب کرالیے گئے۔
پولیس کے مطابق ضلع وہاڑی کے شہر بورے والا میں نہر میں کار گرنے پر ریسکیو اہلکاروں نے امدادی کارروائی کے دوران 2 افراد کو ڈوبنے سے بچالیا گیا۔
نہر میں گرنے والی کار سے نکالے گئے دونوں افراد ہتھکڑیوں میں جکڑے گئے تھے، پولیس کا کہنا ہے کہبچائے گئے افراد نے بتایا کہ 2 ملزمان انہیں بہاولنگر اور ملتان سے اغوا کرکے لے جارہے تھے کہ تیز رفتاری کے دوران کار بے قابو ہو کر نہر میں جاگری۔
پولیس حکام کے مطابق کار میں سوار دونوں اغوا کار فوری طور پر نہر سے نکل کر فرار ہوگئے جنہیں تلاش کیا جارہا ہے۔ پولیس نے مزید بتایا کہ ملزمان کی کار پر سبز رنگ کی نمبر پلیٹ لگی ہوئی ہے۔