بھائی بہن کا رشتہ کافی انمول ہوتا ہے، جہاں بہنیں اپنے بھائیوں سے چھوٹی چھوٹی خواہشات پوری کرواتی ہیں وہیں بھائی بھی ان سے اپنے کام کروا کے خوب تنگ کرتے ہیں۔
تاہم حال ہی میں ایک بہن بھائی کی اسٹوری وائرل ہو رہی ہے جس میں ایک بھائی نے اپنی بہن کو نیا لیپ ٹاپ گفٹ کیا۔
سماجی رابطے کی ویب سائٹ ٹوئٹر پر صارف اجے کریر نے ایک پوسٹ شئیر کی جس میں ایک نیا لیپ ٹاپ انہوں نے پکڑا ہوا تھا۔
پوسٹ کے کیپشن میں لکھا تھا کہ ''میری بہن کا لیپ ٹاپ ٹوٹ گیا تھا تو میں نے دو ماہ تک پیسے جمع کیے اور اب میں اسے سرپرائز دینے والا ہوں''۔
اجے کریر نے اپنی بہن کے پرانے لیپ ٹاپ کی تصویر بھی شئیر کی جس میں دیکھا جا سکتا ہے کہ ان کا لیپ ٹاپ مکمل ٹوٹ چکا ہے۔
اجے کی مذکورہ پوسٹ کے بعد کئی صارفین ان کی تعریف کیے بغیر نا رہ سکے۔ لوگوں کی ان کی اس کاوش کو خوب سراہا اور انہیں داد دی۔