ٹرمپ عہدے سے دستبردار، جوبائیڈن نے حلف اُٹھا لیا۔
جوزف بائیڈن نے امریکا کے 46 ویں صدر کی حیثیت سے حلف اُٹھا لیا جبکہ ڈیموکریٹ رہنما کملا ہیرس نے بھی امریکا کی پہلی خاتون نائب صدر کی حیثیت سے حلف لے لیا۔
پُر وقار تقریب میں امریکا کے چیف جسٹس جان رابرٹس نے ڈیموکریٹ کے 78 سالہ جو بائیڈن سے حلف لیا جس میں سابق صدر ڈونلڈ ٹرمپ نے شرکت نہیں کی تاہم ٹرمپ کے نائب صدر مائیک پینس تقریب میں موجود تھے جبکہ گلوکارہ لیدی گاگا، سابق امریکی صدر اوباما اور ان کی اہلیہ بھی تقریب میں شریک ہوئے۔
بائیڈن سے قبل کملا ہیرس نے امریکی تاریخ میں پہلی مرتبہ خاتون نائب صدرکی حیثیت سے حلف اُٹھایا، کملا ہیرس نہ صرف پہلی خاتون نائب صدر بلکہ پہلی سیاہ فام اور پہلی ایشیائی امریکی نائب صدر منتخب ہوئی ہیں۔
امریکی صدر اور نائب صدر کی تقریبِ حلف بردار ی کی کچھ تصویری جھلکیاں ملاحظہ کریں۔
امریکی صدر جوبائیڈن اور اُن کی اہلیہ
جوبائیڈن حلف اُٹھاتے ہوئے
کمالا ہیرس نے امریکی تاریخ میں پہلی مرتبہ خاتون نائب صدرکی حیثیت سے حلف اُٹھایا
کملا ہیرس اپنے شوہر کے ہمراہ
جوبائیڈن اور امریکی گلوکارہ لیڈی گاگا
سابق امریکی صدر باراک اوباما اور اُن کی اہلیہ مشعل اوباما