کویت کی حکومت کا بڑا فیصلہ، غیر ملکیوں کے لیے مختص مخصوص شناختی کارڈ کا اجراء ختم۔
تفصیلات کے مطابق کویت کی حکومت نے یہ فیصلہ کیا ہے کہ کویت میں مقیم غیر ملکیوں کیلئے مخصوص شناختی کارڈ “بطاقہ نظام “ختم کر دیا جائے گا جبکہ اس کی جگہ صرف رہائشیوں کو شناختی کارڈ جاری کیا جائے۔
کویت کی وزارتِ داخلہ نے اس حوالے سے منصوبہ تشکیل دیا ہے کہ تارکینِ وطن کے سول شناختی کارڈ کو منسوخ کر کے اِسے صرف اب کویتی شہریوں تک محدود رکھا جائے۔
تاہم اس کا مقصد کویت میں مقیم غیر ملکیوں کے لئے ایک مقناطیسی کارڈ کا اجراء کرنا ہے جس میں ان کی تمام تر تفصیلات اور اعداد و شمار درج ہوں۔
یاد رہے کہ یہ مقناطیسی کارڈ تمام ریاستی اداروں اور ایجنسیوں میں باضابطہ طور پر استعمال ہو سکے گا اور اس طرح سول شناکتی کارڈ کا استعمال ختم ہو جائے گا۔
سول شناختی کارڈ اب صرف کویتی باشندوں تک ہی محدود کر دیا جائے گا اس سے پبلک اتھارٹی کے دفاتر پر رش کم ہو سکے گا۔
واضح رہے کہ پی اے سی آئی کے قیام سے اب تک 30 ملین کارڈ جاری کیے جاچکے ہیں۔