بلاول ہاؤس کراچی میں سابق صدر آصف علی زرداری اور سابق وزیراعظم بینظیر بھٹو کی بڑی صاحبزادی بختاور بھٹو کی شادی کی تقریبات کا آغاز ہو چکا ہے۔
گزشتہ روز سے بختاور بھٹو کی مہندی کا ڈیزائن کافی وائرل ہو رہا ہے جس میں دیکھا جا سکتا ہے کہ ڈیزائن سندھی ثقافت کو مدنظر رکھتے ہوئے اجرک کا بنایا گیا ہے۔
تاہم مہندی کے ڈیزائن کی تصویر سوشل میڈیا پر وائرل ہوتے ہی صارفین نے بینظیر بھٹو کے مہندی لگے ہاتھوں کی تصویر بھی شئیر کرنا شروع کر دی۔
جبکہ صارفین ماں اور بیٹی دونوں کے ہاتھوں کی مہندیوں میں مماثلت تلاش کرنے کے ساتھ ساتھ ان کا موازنہ بھی کرنے لگے کہ کس کی مہندی زیادہ اچھی ہے۔
بے نظیر کا اپنی شادی میں لگوایا گیا مہندی ڈیزائن بختاور کے اجرک والے ڈیزائن سے بالکل مختلف تھا۔ لیکن دونوں کے ڈیزائن ہی اپنی اپنی جگہ خوبصورت ہیں۔
سوشل میڈیا پر ایک صارف نے یہ تصویر بختاور بھٹو کو بھی ٹیگ کی جسے بختاور بھٹو نے خود بھی لائیک کیا تاہم کوئی تبصرہ کرنے سے گریز کیا۔
خیال رہے بختاور بھٹو اور محمود چوہدری کا نکاح 29 جنوری اور ولیمہ 30 جنوری کو ہوگا۔
٭ اِس حوالے سے اپنی قیمتی رائے کا اظہار کریں، ہماری ویب کے فیسبک پیج پر کمنٹ سیکشن میں بتائیں۔