ہر ایک خوبصورت نظر آنا چاہتا ہے مگر خوبصورتی حاڈل کرنے کے لئے اس قدر جنون شاید ہی کسی کو ہوگا، ہم بات کر رہے ہیں چین سے تعلق رکھنے والی ایک 16 سالہ لڑکی کی جس کے متعلق جان کر یقیناً آپ کو حیرت ہو گی کہ جس نے 3 سال میں اپنے چہرے کو بہتر بنانے کے لیے 100 سرجریز کروانے کا دعویٰ کیا ہے۔
16 سال کی عمر میں 100 سے زائد کاسمیٹک سرجریز کروانے کی وجہ سے انہیں چین کی کم عمر پلاسٹک سرجری کا عادی کہا جاتا ہے۔
زوہو چونا نامی اس چینی لڑکی کے مائیکرو بلاگنگ ویب سائٹ سینا ویبو پر 3 لاکھ فالوورز ہیں جن کے ساتھ انہوں نے اپنا پلاسٹک سرجری کیریئر ترتیب دیا ہے، تاہم 3 سال کے مختصر عرصے میں ایک معمولی نظر آنے والی لڑکی سے گڑیا نما مجسمے کی طرح انتہائی حیرت انگیز نظرآنے والی لڑکی کو دیکھ کر سوشل میڈیا صارفین بھی دنگ رہ گئے ہیں۔
اِنہوں نے ایسا کیوں کیا اور وہ یہ شوق کیوں رکھتی ہیں اس حوالے سے بتاتے ہوئے زوہو چونا کا کہنا ہے کہ پلاسٹک سرجری سے قبل وہ بہت بدصورت ہوا کرتی تھیں، ان کی آنکھیں بہت چھوٹی اور ناک بھی بہت بڑی تھی جس کے سبب ان کے ساتھی مذاق اڑایا کرتے تھے لیکن اب انہیں دیکھ کر سب لوگ حیران رہ جاتے ہیں۔
یاد رہے کہ کم عرصے میں زیادہ سرجریز کے سبب پلاسٹک سرجری کی عادی زوہو چونا یادداشت کی کمی کا شکار بھی ہو چکی ہیں۔