گزشتہ ماہ بھارتی اداکارہ انوشکا شرما اور کرکٹر ویرات کوہلی کے گھر ننھی پری کی پیدائش ہوئی جس پر دونوں ماں باپ انتہائی خوش دکھائی دیے۔

تاہم اداکارہ انوشکا شرما نے اپنے تصدیق شدہ انسٹاگرام اکاؤنٹ پر خوبصورت فیملی فوٹو شئیر کی جسے مداحوں کی جانب سے بے حد پسند کیا گیا۔

تصویر میں دیکھا جا سکتا ہے کہ انوشکا شرما نے اپنی بیٹی کو گود میں اُٹھایا ہوا ہے جبکہ اُن کے شوہر ویرات کوہلی محبت بھری نگاہوں سے ننھی پری کو دیکھ رہے ہیں۔

اداکارہ نے اس دلکش تصویر کے کیپشن میں اپنی بیٹی کا نام بھی بتایا اور لکھا کہ ''ہم اپنی زندگی محبت اور شُکر گزاری کے ساتھ بسر کر رہے ہیں لیکن ہماری ’وامیکا‘ نے اس دُنیا میں آکر ہماری زندگی کو ایک نیا مقصد دیا ہے''۔

اُنہوں نے ماں بننے کے احساس کو بیان کرتے ہوئے لکھا کہ ''محبت، پیار، جذبات، آنسو، پریشانی، نیند کی کمی وغیرہ سب کا تجربہ ہو رہا ہے لیکن یہ سب واقعی میں بہت اچھا ہے''۔

آخر میں انوشکا شرما نے اُن تمام لوگوں کا شکریہ ادا کیا جنہوں نے اس خوبصورت فیملی کے لیے دُعائیہ اور محبت بھرے پیغامات بھیجے تھے۔

٭ اس حوالے سے اپنی رائے سے آگاہ کریں، ہماری ویب کے فیسبک پیج پر کمنٹ کریں۔