روزمرہ کی زندگی میں کئی ایسی چیزیں ہوتی ہیں جو ہم کر رہے ہوتے ہیں لیکن وہ ہمیں نہیں کرنی چاہئیں۔ اس کی بہترین مثال باتھ روم استعمال کرنا ہے۔
وہ افراد جو سفر میں ہوتے ہیں یا کسی عوامی جگہ پر گھومنے پھرنے کی غرض سے جاتے ہیں، اگر گھر سے باہر زیادہ دیر رکیں تو انہیں باتھ روم کی ضرورت محسوس ہوتی ہے، اور پیشاب کو زیادہ دیر روکنا آپ کے گردوں کے لیے مسائل کا سبب بن سکتا ہے، ایسے میں مجبوراً آپ کو باتھ روم استعمال کرنا ہی پڑتا ہے۔
اور عوامی باتھ روم کی حالت تو بلاشبہ ہم سب کے علم میں ہے، افسوس کی بات یہ ہے کہ صرف پبلک پلیسس کے بیت الخلاء ہی نہیں بلکہ کچھ لوگوں کے گھروں کے فلش بھی انتہائی گندے ہوتے ہیں۔
اگر ایک دن کام والی نے چھٹی کر لی تو خواتین خود بھی فلش دھونے کی ضرورت محسوس نہیں کرتیں لیکن کیا آپ جانتے ہیں کہ یہ کس حد تک نقصان دہ ثابت ہو سکتا ہے؟
٭ ماہرین کے مطابق گندا فلش استعمال کرنے سے Candida نامی فنگس آپ کے جسم میں پیشاب کی نالی کے ذریعے چلا جاتا ہے جس کے باعث آپ کو مختلف قسم کے انفیکشن ہو سکتے ہیں جن میں گلے کا درد اور بخار سر فہرست ہیں۔
٭ اس کے علاوہ پیشاب کی نالی میں بھی کچھ انفیکشن ہو جاتے ہیں جس کی وجہ سے آپ کو پیشاب میں تکلیف ہوتی ہے۔
یاد رکھیں گندا فلش اور باتھ روم جراثیم کا گڑھ ہوتا ہے، آپ کو کئی بیماریاں محض گندا فلش استعمال کرنے کے باعث ہی ہوتی ہیں۔
کوشش کریں گندا فلش اور باتھ روم ہرگز استعمال نہ کریں ورنہ آپ کسی بڑی بیماری میں بھی مبتلا ہو سکتے ہیں۔