چین کی اداکارہ کی ناک ستواں کرنے کی خواہش، کاسمیٹک سرجری کروانے والے ستاروں کے لئے خطرے کی گھنٹی۔
غیر ملکی میڈیا کے مطابق چینی اداکارہ گائو لیو نے اپنی ایک تصویر شیئر کی ہے جس میں دیکھا جا سکتا یے کہ اُنہوں نے اپنی کاسمیٹک سرجری کروائی ہے، مگر یہ تصویر ان ستاروں کے لیے ایک خطرے کی وارننگ ہے جوکہ اپنے چہرے کا کاسمیٹک سرجری کرواتے ہیں۔
ایسا اس لیے ہے کہ چینی اداکارہ گائو لیو نے اپنی جو تصویر پوسٹ کی ہے وہ ایک چونکا دینے والی تصویر ہے،
اداکارہ گائو لیو نے اپنی سرجری کے بعد چہرے کی واضح تصاویر چین کے ٹوئٹر جیسے پلیٹ فارم 'ویبو' پر شیئر کی ہیں۔
اس تصویر میں واضح طور پر دیکھا جا سکتا ہے کہ انکی ناک کا اندرونی حصہ خراب ہونے کے بعد سیاہ رنگ کا نظر آرہا ہے۔
سرجری کے بعد چہرے کی خوبصورتی گنوا دینے والی اداکارہ نے اپنے مداحوں اور کو اسٹارز کے لیے تحریری پیغام میں اپنے تجربے سے آگاہ کرتے ہوئے لکھا ہے کہ "ان کے خودکشی کے مترادف اس اقدام کے باعث نہ صرف انھیں جسمانی نقصان پہنچا ہے بلکہ اداکاری کے متعدد مواقع سے بھی محروم ہوگئی ہیں"۔
واضح رہے کہ یہ پہلا ایسا واقعہ نہیں جس میں کسی اداکارہ یہ عام خاتون نے کاسمیٹک سرجری کروا کر چہرے کی قدرتی خوبصورتی بگاڑی ہو تاہم آرٹیفیشل خوبصورتی سے شخصیت بگاڑنے کے لئے یہ واقعی ایک مثال ہے۔