گزشتہ دنوں جہاں واٹس ایپ کی پرائیوسی پالیسی سے متعلق خبر نے لوگوں کی توجہ حاصل کی وہیں متبادل ایپلیکیشنز کے لئے راہیں ہموار کردیں مگر ایسا لگتا ہے کہ واٹس ایپ اپنی جگہ اتنی آسانی سے نہیں چھوڑے گا۔کیونکہ واٹس ایپ نے پرائیویسی کا نیا معیار قائم کرتے ہوئے ایک ایسا فیچر متعارف کرادیا ہے جس کے زریعے صارفین اپنے چہروں اور انگلیوں کے زریعے واٹس ایپ سے لاگ ان کر سکیں گے۔

استعمال کیسے کریں

اس فیچر کو استعمال کرنے کا طریقہ بھی آسان ہے جس طرح ڈیسک ٹاپ کمپیوٹر پر واٹس ایپ کھولا جاتا ہے یعنی موبائل پر واٹس ایپ کھول کر ڈیسک ٹاپ کمپیوٹر سے کنیکٹ کیا جاتا ہے۔ اگر اینڈرائڈ موبائل بائیومیٹرک کے تحت تصدیق شدہ ہے تو وہ خودکار ہدایات جاری کرے گا۔ اسی طرح آئی فون کے زریعے بھی اس فیچر کو استعمال کیا جاسکتا ہے۔

پرائیویسی متاثر نہیں ہوگی

البتہ واٹس ایپ کے مطابق یہ فیچر استعمال کرنے سے صارفین کی ذاتیات متاثر نہیں ہوگی اور واٹس ایپ خود بھی صارفین کے چہرے اور انگلیوں کے نشانات نہیں دیکھ سکے گا۔