سعودی عرب میں گزشتہ چوبیس گھنٹوں کے دوران تین اہم شخصیات کا انتقال ہو گیاان میں مسجد الحرام کے اکتیس سالہ درس و تدریس کے استاد و لیکچرار شیخ عبدالرحمان العجلان شامل ہیں۔ جن کا انتقال جمعے کے روز ہوا۔
اُن کا نمازِ جنازہ بعد نماز جمعہ مسجد الحرام میں امامِ کعبہ شیخ سعود الشریم کی امامت میں ادا کی گئی۔
علاوہ ازیں مسجدِ نبوی ﷺ کے امام کے بھائی شیخ محمد الحذیفے بھی کرونا سے لڑتے ہوئے زندگی کی بازی ہار گئے۔ عرب میڈیا رپورٹ کے مطابق اُن کا شمار معروف ججز، اسکالرز میں ہوتا تھا۔
قبل ازیں ریاض کے ڈپٹی گورنر کی والدہ کا انتقال ہوا، جن کا نمازِ جنازہ گزشتہ روز بعد نمازِ عشاء مسجد الحرام میں ادا کی گئی۔
جنازے میں سعودی ولی عہد محمد بن سلمان نے بھی شرکت کی۔ تینوں شخصیات کی تدفین مقامی قبرستانوں میں کی گئی۔
مسجد الحرام کی جرنل پریڈینسی نے عبدالرحمان العجلان افسوس کا اظہار کرتے ہوئے اُن کی مغفرت اور بلند درجات کی دعا کی جبکہ ایوان شاہی نے بھی تینوں مرحومین کی مغفرت، درجات بلندی اور لواحقین کے صبر کے لیے دعا کی ہے۔