کامیاب شادی شدہ زندگی گزارنے کے لیے میاں بیوی کا ایک دوسرے پر اعتماد اور ایک دوسرے کو سمجھنا بہت ضروری ہے۔ ہمارا دین پہلے ہی میاں بیوی کے مابین بہتر ازدواجی زندگی استوار کرنے سے متعلق احکامات و ہدایات جاری کر چکا ہے۔
میاں بیوی کے معاملات میں اس وقت اتار آتا ہے جب وہ ایک دوسرے پر دھیان نے اور اس کے علاوہ بھی متعدد وجوہات ہیں جن کی بنا پر شوہر اور اہلیہ میں ان بن رہتی ہے۔
لیکن آج ہم شادی شدہ جوڑوں کے لیے کامیاب شادی کے رازوں کو اُجاگر کریں گے۔
درحقیقت یہ بات ایک تحقیق میں سامنے آئی جس میں بتایا گیا کہ شریک حیات میں بہترین دوست کو ڈھونڈ لینا ازدواجی زندگی کو زیادہ مضبوط بناتا ہے۔
تحقیق میں ایسے جوڑوں کو شامل کیا گیا تھا جو 15 سال سے زیادہ عرصے سے خوش باش زندگی گزار رہے تھے۔
ان جوڑوں سے شادی کی کامیابی کے راز کے بارے میں پوچھا گیا اور اکثر نے جواب دیا کہ ان کا شریک حیات ان کا بہترین دوست بھی ہے۔
دوسرا سب سے زیادہ دیئے جانے والا جواب یہ تھا کہ وہ شریک حیات کو ایک انسان کے طور پر پسند کرتے ہیں جو کہ دوستی پر مبنی محبت کا ایک اور اہم پہلو بھی ہے۔
تحقیق میں بتایا گیا کہ شریک حیات سے گہری اور مستحکم دوستی نہ صرف زندگی کو خوشحال بناتی ہے بلکہ اس سے جذباتی، جسمانی اور دماغی صحت بھی بہتر ہوتی ہے۔
تحقیق میں دریافت کیا گیا کہ دوستی پر مبنی محبت، قربت کا احساس اور مشترکہ مفادات جوڑوں کا اطمینان بڑھاتا ہے۔
ایک اور تحقیق میں مزید دریافت کیا گیا کہ میاں بیوی میں اچھی دوستی انہیں ایک دوسرے سے قریب لاتی ہے اور وہ زندگی میں زیادہ اطمینان محسوس کرتے ہیں۔
اسی تحقیق میں یہ بھی بتایا گیا کہ اوسطاً مردوں کے مقابلے میں بہت کم خواتین شریک حیات کو اپنا بہترین دوست تصور کرتی ہیں۔