وزیراعظم کے معاونِ خصوصی برائے مذہبی ہم آہنگی اور متحدہ علما کونسل کے چیئرمین علامہ طاہر اشرفی نے اپنے جاری کردہ ٹویٹ میں اس عزم کا اظہار کیا کہ آج کے چاند کو دیکھ کر ثابت ہوتا ہے کہ رویت ہلال کمیٹی کا گزشتہ روز کا فیصلہ درست تھا۔
ان کا مزید یہ کہنا تھا کہ رویت حلال کمیٹی تک شہادتیں کافی دیر سے پہنچیں اس وجہ سے عید الفطر کا اعلان بھی دیر سے کیا گیا ۔
اس کے علاوہ انہوں نےآج کے چاند کو دیکھ کر یہ ثابت ہوتا ہے کہ کسی کا روزہ قضا نہیں ہوا اور نہ ہی کسی کو دوبارہ اعتکاف کرنا ہے۔
دوسری جانب علامہ طاہر اشرفی نے 2 شوال کے چاند کی تصاویر شیئر کردیں۔
اور شئیر کی گئی تصاویر کے ساتھ ہی ساتھ یہ بھی کہہ ڈالا کہ اسلام آباد، لاہور، پشاور سمیت ملک کے دیگر علاقوں میں 2 شوّال المکرم کے چاند کا مشاہدہ لاکھوں لوگوں نے کیا اور پوری قوم مرکزی رویت ہلال کمیٹی کے گزشتہ روز کے فیصلے کی تعریف کر رہی ہے۔