تفیلاوت کے مطابق اپوزیشن لیڈر شہباز شریف کانام ایگزیکٹ کنٹرول لسٹ یعنی کہ (ای سی ایل )میں ڈال دیا گیا ہے۔جس کے تحت وہ اب ملک سے باہر نہی جاسکتے۔
ان کا نام ای سی ایل میں ڈالنے کی تصدیق وفاقی وزیر داخلہ شیخ رشید نے ایک پریس کانفرنس میں کی۔
اس سے پہلے اسی بات کی تصدیق فواد چوہدری نے اپنے ایک ٹویٹ میں کی جس میں انہوں نے کہا کہ کابینہ کی منظوری اور قانونی ضابطے مکمل ہونے پر شہباز شریف کا نام ای سی ایل میں ڈالا گیا اور اس حوالے سے ریکارڈ بھی اپ ڈیٹ کردیا گیا ہے۔
واضح رہےکہ شہباز شریف نے بلیک لسٹ میں نام موجود ہونے پر لاہور ہائیکورٹ سے رجوع کیا تھا ۔
جس پر عدالت نے انہیں علاج کی غرض سے بیرون ملک جانے کی اجازت دی تھی ۔
تاہم گزشتہ ہفتے بیرون ملک روانگی کے لیے جب شہباز شریف لاہور ائیرپورٹ پہنچے تو امیگریشن حکام نے انہیں پرواز میں سوار ہونے کی اجازت نہیں دی جس پر اپوزیشن لیڈر واپس گھر روانہ ہوگئے۔