سندھ حکومت کے جاری کردہ نوٹیفیکشن کے مطابق اب سے صوبے بھر میں کاروباری سرگرمیاں صبح 6 بجے سے شام 8 بجے تک کھلی رہیں گی۔
تاہم ضرورت اشیاء ، میڈیکل اسٹور ، پیٹرول پمپس ، اسپتال پابندی سے مثتثنی ہوں گے۔ بیکریاں اور دودھ کی دکانوں کو رات بارہ بجے تک کھلنے کی اجازت ہوگی۔
جبکہ ہفتہ و اتوار کو سیف ڈیز کے تحت کاروبار بند رکھے جائیں گے۔
اس کے علاوہ کورونا ایس اوپیز کےتحت سرکاری دفاتر اور کاروبار کیلئے نئی ہدایات جاری کرتے ہوئے سرکاری دفاتر کے اوقات کار معمول کے مطابق کردئیےگئے، دفاتر میں ملازمین کی حاضری 20 فیصد سے بڑھا کر 50 فیصد کر دی گئی ہے۔
ریسٹورنٹس اور فوڈ اسٹریٹ مکمل پابندی ہو گی، انڈور اور آئوٹ ڈور ڈائننگ بھی بند رہے گی البتہ ٹیک آئوے اور ہوم ڈیلیوری کی اجازت ہوگی۔
واضح رہے کہ اس سے پہلے این سی او سی کے فیصلے کے تحت 6 بجے تک کاروباری و تجارتی سرگرمیاں اور دکانیں بند کر دی جاتی تھیں۔