ہمت اور دلیری کی بات کی جائے تو فلسطینی شہریوں کا نام سرفہرست آتا ہے، کیونکہ ان دنوں وہ جن کڑی مشکلات سے دوچار ہیں اس کا اندازہ لگانا بھی مشکل ہے۔
فلسطین کے خلاف اسرائیل کی جانب سے جاری بربریت میں ہر گزرتے دن کے ساتھ تیزی آرہی ہے اور گزشتہ روز بھی اسرائیل کے طیاروں نے غزہ پر بمباری کی۔
حال ہی میں مقبوضہ بیت المقدس سے تعلق رکھنے والے عدنان برق نامی بلاگر نے اپنے انسٹاگرام اکاؤنٹ پر ایک بچے کی ویڈیو شیئر کی جسے دیکھ کر لوگ بے حد افسردہ ہوئے۔
ویڈیو میں دیکھا گیا کہ معصوم بچے پر لرزہ طاری ہے اور انتہائی خوف کے باعث اپنی آنکھیں نہیں بند کر پارہا۔
ویڈیو شیئر کرتے ہوئے بلاگرعدنان نے لکھا کہ رواں ماہ ذہنی صحت سے آگاہی کا مہینہ ہے لیکن کوئی بھی شخص غزہ کے لوگوں کی ذہنی حالت پر گفتگو نہیں کرتا۔
عدنان نے مزید لکھا کہ اسرائیلی فضائی حملوں کے خوف اور صدمے کے باعث یہ بچہ اپنی آنکھیں نہیں بند کر سکتا، اگر یہ موت سے بچ بھی گیا تو صدمہ سے باہر نہیں آسکے گا۔