برطانیہ کے شاہی جوڑے شہزادہ ہیری اور میگھن مارکل کے ہاں بروز جمعہ بیٹی کی پیدائش ہوئی اور شہزادہ ہیری اور میگھن مارکل نے اپنی بیٹی کانام " لیلیبیٹ ڈیانا" رکھا ہے، شاہی جوڑے نے بیٹی کانام "لیلیبیٹ ڈیانا" رکھنے کی وجہ اور مطلب بتاتے ہوئے کہا ہے کہ یہ نام انہوں نے اپنی دادی ملکہ الزبتھ دوئم اوراپنی آنجہانی والدہ لیڈی ڈیانا سے بے پناہ محبت کی وجہ سے رکھا ہے۔
شاہی جوڑے کا مزید کہنا تھا کہ ملکہ برطانیہ کو شاہی خاندان میں پیار سے لیلی کہہ کر پکارا جاتا ہے اس لیے انہوں نے اپنی بیٹی کا بھی ابتدائی نام لیلی ملکہ برطانیہ کے نام پر رکھا ہے جبکہ بیٹی کا درمیانی نام ڈیانا رکھنے کی یہ وجہ بتائی گئی ہے کہ یہ نام انہوں نے اپنی بیٹی کی پیاری آنجہانی دادی پرنسز آف ویلز ڈیانا کو خراج تحسین پیش کرنے کیلئے رکھا ہے۔ جبکہ لیلیبیٹ جوکہ ملکہ کا عرفی نام ہے اس کا مطلب ہے "خدا کا وعدہ"۔
اس کے علاوہ اس خوشی کے موقع پر ملکہ برطانیہ نے شہزادہ ہیری اور میگن مارکل کو مبارکباد دی اور پرنس آف ویلز شہزادہ چارلس اور ڈچزآف کارن وال بھی اس خبر سے بے حد خوش ہیں۔