ویسے تو عیدالاضحٰی پر پاکستان بھر میں مویشی منڈیاں سجتی ہیں مگر کراچی کی مویشی منڈی جسے ایشیاء کی سب سے بڑی منڈی کہا جاتا ہے، کی بات ہی کچھ اور ہے۔
خبر کے مطابق ایشیاء کی سب سے بڑی منڈی سپر ہائی وے مویشی منڈی میں جانوروں کی آمد شروع ہوگئی ہے۔
پاکستان بھر سے مویشیوں کی آمد کا سلسلہ شروع ہوچکا ہے، اب تک مویشی منڈی میں دو سے زائد ٹرک آچکے ہیں، جبکہ دیگر ٹرک اس ہفتے متوقع ہیں۔
مویشیوں سے بھرا پہلا ٹرک 7 سے 8 جون کی شب شیخوپورہ سے کراچی پہنچا، جس میں 20 سے 21 جانور موجود تھے۔
واضح رہے ایشیاء کی سب سے بڑی مویشی منڈی کا باقاعدہ افتتاح دس جون سے ہوگا۔
جبکہ سہراب گوٹھ مویشی منڈی میں انتظامیہ کی جانب سے دن رات کام کیا جا رہا ہے، بلاکس کی تعمیر بھی آخری مراحل میں داخل ہوچکی ہے۔