فرانس کے صدر ایمانوئیل میکرون کو تھپر مارنے کے جرم میں ڈیمن ٹیرل نامی شخص کو عدالت نے 4 ماہ قید کی سزا سنائی اور کسی بھی سرکاری ادارے کو چلانے اور 5 سال تک ہتھیار رکھنے پر پابندی کا بھی فیصلہ سنایا ہے ۔
اس کے علاوہ 28 سالہ ڈیمن ٹیرل قوم پرست دائیں بازو کے نظریات سے متاثر ہے اور اسی حوالے سے اس نے کئی یو ٹورب چینل بھی سبسکرائب کر رکھے ہیں اس کے علاوہ ڈیمن ٹیرل مارشل آرٹس کلب کا مالک بھی ہے جہاں وہ لوگوں کو مارشل آرٹس کی تربیت دیتا ہے اور یہ قرون وسطی دور کی تلوار بازی کا مداح بھی ہے۔
واضح رہے کہ یہ واقعہ جنوبی فرانس کے علاقے ڈروم پہنچنے پر پیش آیا جہاں فرانسیسی صدر بیریئر کے پیچھے موجود شہریوں سے ملاقات کر رہے تھے کہ اسی دوران استقبال کیلئے موجود شہری نے ان کے چہرے پر تھپڑ دے مارا تھا۔