مقبوضہ کشمیر بھارت کا حصہ نہ تھا اور نہ ہے ۔۔ پاکستان کا بھارت کو کرارا جواب

اقوام متحدہ میں مستقل بھارتی مندوب کی تقریر کے جواب میں اقوام متحدہ کے پاکستان مشن کے قونصلر سعد وڑائچ نے بھارت کو کھری کھری سنا دی، سعد وڑائچ نے کہا کہ بھارتی مستقل مندوب کے ریکارڈ کی درستگی کیلئے یہ بتانا ضروری ہے کہ جموں کشمیر بھارت کا حصہ نہیں اور بھارت نے کشمیر پر ظالمانہ قبضہ تو کر لیا لیکن پھر بھی کشمیروں کی غیر مسلح جدو جہد آزادی کو ختم نہ کر سکا۔

سعد وزائچ نے بھارت مستقل مندوب کو حقیقت یاد کروائی اور کہا کہ اگر آپکو یاد ہو تو اسی ایوان میں نہتے اور مظلوم کشمیریوں کیلئے قرارداد منظور ہوئی تھی لیکن بھارت دھوکے سے کشمیریوں کو حق خوداردیت سے محروم نہیں کر سکتا، علاوہ ازیں اقوام متحدہ میں پاکستان کے مستقل مندوب منیر اکرم نے کہا ہے کہ عالمی تناؤ اور تنازعات بہت بڑھ چکے ہیں جس کی وجہ سے کشمیر سمیت عالمی تنازعات کے حل میں پیشرفت بہت کم ہوئی ہے۔

جبکہ کشمیر کا مسئلہ سیکیورٹی کونسل کے ایجنڈے پر سب سے پرانا مسئلہ ہے اور اس مسئلہ پر اب تک گزشتہ سال میں صرف 2 مرتبہ ہی غور کیا گیا اور پوری دنیا جانتی ہے کہ پاکستان مسئلہ کشمیر کا حل اقوام متحدہ کی قراردادوں کے مطابق چاہتا ہے۔