برطانوی شاہی خاندان میں ہر دن کی اہمیت الگ ہوتی ہے، اگر جمعہ ہے تو اس کے حساب سے پہلے ہی ملکہ اعلان کردیتی ہیں کہ آج کس قسم کی تقریب ہوگی یا کون سا ڈے منانا ہے، اسی طرح مختلف تہواروں اور دیگر تقریبات کے حوالے سے شاہی ملکہ بذاتِ خود اعلان کرتی ہیں۔ جہاں شاہی خاندان کی دیگر رسومات ہیں وہیں کچھ اصول و ضوابط بھی ہیں اور وہ یہ ہیں کہ جب نومولود لڑکا پیدا ہوتا ہے تو اس کے لئے کچھ الگ اصول ہوتے ہیں اور اگر لڑکی پیدا ہو تو اس کے لئے شاہی رسومات مختلف ہیں۔
بیٹی ہونے پر
شاہی خاندان میں کیا ہوتا ہے؟
٭ بیٹی کی پیدائش پر ملکہ الزبتھ اس بچی کو اپنا پہنا ہوا قیمتی ہیرے کا لاکٹ پہناتی ہیں جو اس کے لئے دنیا میں آنے کا سب سے پہلا اور خاص تحفہ سمجھا جاتا ہے۔
٭ جب الٹراساؤنڈ کے ذریعے یہ معلوم ہو جاتا ہے کہ بیٹی کی پیدائش ہونے والی ہے تو اس کو بہت خُفیہ اور خاص رکھا جاتا ہے، لیکن بیٹے کی پیدائش ہونے والی ہو تو اعلان کردیا جاتا ہے۔ بچی کی پیدائش کو خفیہ اس لئے رکھا جاتا ہے تاکہ شاہی خاندان کی بہو کے لئے خاص تحفے تیار کروائے جا سکیں۔
٭ بچیوں کی پیدائش کے لئے کسی بڑے ہسپتال کا بھی انتخاب نہیں کیا جاتا ہے بلکہ محل کے ایک خاص لیبر روم میں ماہر ایکسپرٹ ڈاکٹر خود ڈلیوری کرواتے ہیں تاکہ بچی کو سات پردوں میں ہی رکھا جائے۔ شاہی خاندان میں جتنی بھی لڑکیاں پیدا ہوئیں وہ سب گھر کے اندر پیدا ہوئی ہیں۔ مگر میگھن مارکل نے بچی کو ہسپتال میں جنم دیا ہے۔
٭ جے جے ہرٹ اینڈ سن جوکہ برطانیہ کا مشہور کپڑوں کا برانڈ ہے جس کے کپڑے شاہی محل میں ہر جگہ استعمال کیئے جاتے ہیں۔ اس کمپنی کا مالک بیٹی کے لئے ایک شال بھیجتا ہے، جس میں لپیٹ کر بچی کو پہلی مرتبہ شاہی محل سے باہر لے جایا جاتا ہے۔
٭ صرف اور صرف 4 لوگوں کی موجودگی میں بیٹی کو گھر میں پیدا کیا جاتا ہے اور اس کے بعد بچی کو ٹھنڈے دودھ اور زعفران کے عطر سے نہلایا جاتا ہے تاکہ وہ گندگی سے پاک ہو جائے۔