ڈاکٹرز کے مطابق اصف علی زرداری کو سینے میں سانس کی تکلیف ہوئی جس کے باعث انکا معائنہ کیا گیا تو معلوم ہوا کہ انہیں تیز بخار ہے اور انکا شوگر لیول بھی انتہائی کم ہے جس کی وجہ سے انہیں اسپتال داخل کرنے کی ہدایت جاری کی گئیں تھیں اس کے علاوہ ڈاکٹرز کا کہنا ہے کہ بجٹ سیشن میں شرکت اور عدالت میں پیشی کے باعث سابق صدر آصف علی زرداری تھکن کا شکار ہو گئے اور انکی طبعیت ناساز ہو گئی۔
بہن فریال تالپور نے سماجی رابطے کی ویب سائیٹ ٹویٹر پر بھائی آصف علی زرداری کی صحتیابی کیلئے دعاؤں کی اپیل کر دی ہے۔
اب آصف علی زرداری کے ایک مرتبہ پھر سے تمام ٹیسٹ کیے جا رہے ہیں اور اسپتال انتظامیہ نے اسپیشلسٹ ڈاکٹرز کو بھی طلب کر لیا ہے، پارٹی زرائع کے مطابق گزشتہ رات آصف علی زرداری کی طبعیت اچانک خراب ہوئی جس پر انہیں اسپتال منتقل کر دیا گیا تھا۔