مریم اورنگزیب مسلم لیگ (ن) کی ایک اہم خاتون سیاست دان سمجھی جاتی ہیں اور ہمیشہ ہی اپنے اندازِ بیاں سے لوگوں کو چُپ کرواتی نظر آتی ہیں۔ گزشتہ روز پی ڈی ایم کا سوات میں جلسہ منعقد ہوا۔ جلسے میں شرکت سے قبل مریم اورنگزیب وادیِ سوات کی خوبصورتی کو انجوائے کرنے نکل پڑیں۔
وزیراعلیٰ خیبر پختونخوا کے معاون خصوصی کامران بنگش نے اپنے ٹوئٹر اکاؤنٹ پر مریم اورنگزیب کی زپ لائن کے جھولے لینے کی ویڈیو شیئر کی، اور یہ ویڈیو فوراً ہی وائرل ہوگئی۔ ویڈیو کے کیپشن میں انہوں نے لکھا کہ:
''
پی ڈی ایم جلسے کے لئے آئی ہوئی مریم اورنگزیب نےسوات میں خیبرپختونخواحکومت کی لگائی ہوئی زِپ لائن کوخوب انجوائے کیا۔ ہم مہمان نوازوں کی دھرتی اورسیاحوں کی جنت میں خیبرپختونخواحکومت کی بہترین سہولیات کی فراہمی سے محظوظ سیرسپاٹوں میں مگن ابو بچاؤ تحریک والوں کے کارکن گراؤنڈ میں منتظر ہیں۔''
جس پر وفاقی وزیر فواد چوہدری نے ری ٹوئٹ کیا اور کہا کہ:
''
امید ہے ن لیگ کی لیڈرشپ سوات میں اچھی تفریحی سہولتوں سے خوب لطف اندوز ہوئی ہو گی۔ ایک اچھی حکومت کے ثمرات سے ہر شہری فائدہ اٹھاتا ہے چاہے وہ حکومت کا مخالف ہی کیوں نہ ہو، وزیراعلیٰ محمود خان سے کہا ہے ان مہمانوں کا خیال بھی رکھیں لیکن ان پر نظر بھی رکھیں۔
''
مگر کامران بنگش اور فواد چوہدری کے اس ٹوئٹ پر صارفین نے کمنٹ میں لکھا کہ یہ جھولے کسی نجی کمپنی نے لگائے ہیں، پی ٹی آئی حکومت نے نہیں۔