وفاقی وزیر علی امین گنڈاپور کو نوجوان نے جوتا مار دیا، جوتا اآزاد کشمیر میں کارنر میٹنگ کے دوران انکی طرف اچھالا گیا، آزاد کشمیر میں ہونے والے الیکشن کے باعث علی امین گنڈاپور یہاں الیکشن کمپین کیلئے موجود ہیں۔ جب نوجوان نے انکی طرف جوتا اچھالا تو وہ ڈائس کے پیچھے موجود تھے اور تقریر کر رہے تھے تاہم وہ اس حملے میں محفوظ رہے اور جوتا لگا نہیں۔
وفاقی وزیر پر حملہ کرنے والے نوجوان کو پولیس نے اپی حراست میں لے لیا ہے اس کے علاوہ علی امین گنڈاپور نے حملہ کرنے والے شخص کو معاف کر دیا ہے اور کہا کہ اسے کچھ نہ کہا جائے۔
واضح رہے کہ اپنے آپ پر جوتے سے ہونے والے حملہ پر علی امین گنڈاپور کا مزید کہنا تھا کہ اس طرح کے حملوں کا تعلق اپوزیشن سے ہےکیونکہ وہ پیسے دے کر یہ حملے کرواتی ہے۔ وزیرامورکشمیرعلی امین گنڈا پورپرجوتاپھینکنے والےنوجوان زرنوش نسیم کے خلاف تھانہ باغ میں مقدمہ درج کرلیا گیا ہے۔